«MALIKA QÍZ »

-Bir, eki, úsh, ońǵa, shepke, endi aylanamız,-dep muzika je­tekshisi Marina Dúysenǵalievanıń úyretken ayaq oyın háreketlerin Zabira dárhal uǵıp alıwǵa she­ber. Sebebi, onıń kishkene wa­qıtlarınan baslap ayaq oyınǵa  degen qızıǵıwshılıǵı kúshli. Endi ǵana eki jastı toltırıp atırǵan waqıtları úyinde anasınıń oramalın beline baylap, televizordaǵı oyınshı qızlarǵa eliklep oynaytuǵın edi. Mine, sonıń ushın da oyınlardı tez meńgerip […]

Bayramǵa ájayıp  sawǵa

-Sherzad, Sherzad aynalayın tur! Azadanıń oyanǵanı qashshan. Turaǵoy, balam. Gúlshaxa apa hár kúnı Sherzadtı usılay oyatadı. Tańǵı altıda Sherzad shiy­rin uyqısın qıyıp, jıllı kórpesinen  turıp, uyqısınan oyanıwı shárt. Ájapası Azada Ózbekstan chempionı. Azada chempion bolsa, Sherzad nege erte turadı dep oylawıńız múmkin. Qıstıń aylarında  tańǵı altıda dala tastay qarańǵı boladı. Ájapam qorıqpasın dep, Sherzadta qara […]

Doslarımızǵa áwmet…

Prezidentimiz tárepinen jaslar menen islesiwdiń nátiyjeliligin ele de arttırıw, jaslardıń bos waqıtların qızıqlı hám mazmunlı ótkeriw maqsetinde jolǵa qoyılǵan bes baslamanı rawajlandırıw maqsetinde jaqında Qaraqalpaq mámleketlik universiteti janındaǵı akademiyalıq liceyiniń oqıwshı-jasları arasında sporttıń shaxmat hám shashka túrleri boyınsha jarıs bolıp ótti. Bul jarıstı ótkeriwden tiykarǵı maqset liceyimizdegi oqıwshı jaslardıń qanshelli dárejede aqıllılıǵın, qıyın jaǵdaylardan qalay […]

MUNISA MAQTAWǴA ÍLAYÍQ QÍZ

Munisa ekinshi klasta oqıydı. Ol klasındaǵı eń ulgili hám ádepli oqıwshı. Bos waqıtlarında ádebiy kitaplardı oqıǵandı júdá unatadı. Onıń eń jaqın dostı «Jetkinshek». Gazetanıń hár bir sanın qaldırmay oqıp baradı. -««Jetkinshek» penen meni jaqınnan anam doslastırdı. Sebebi, ele mektepke oqıwǵa barmay atırıp-aq anam maǵan gazetadaǵı qızıǵarlı bolǵan waqıyaǵa qurılǵan maqalalardı, ertek, gúrrińlerdi oqıp beretuǵın edi. […]

«URÍ  HÁRRELER»

Báhár. Erikler gúllep baslaǵan payıt. Baǵımızda erik daraǵı kóp bolǵanlıqtan ishi appaq gúlge bólengen. Kórgen kózdi quwandıradı. Baǵqa kirgen adam bunday gózzallıqtan ilhamlanıp, qaytıp shıqqısı kelmeydi. Erik gúlleriniń iyisi murnıńdı jaradı. Bir kúni úkem Ázizbek daladan juwırıp keldi de, apamdı sorawǵa tuttı. -Apa, apa, hárreler de urlıqshı bola ma?-dedi haplıǵıp tez-tez sóylep. Óz isi menen […]

APASÍNA ARNALǴAN KÓRPESHE

Gúlayım qolı gúl qız. Klasında hámme onı sheber qız dep ataydı. Ol qolı bos waqıtlarında toqıma toqıydı, quraq quraydı, hár qıylı shiyrinliklerdi, taǵamlardı tayarlawdı unatadı. Bos waqtın bosqa jibergisi kelmeydi. Barlıq sabaqlarınan da ayrıqsha bahalarǵa oqıydı. Klasındaǵı eń úlgili oqıwshı. Kempir apası da onı awzınan túsirmey maqtaǵanı-maqtaǵan. «Meniń sheber qızim, aqıl-dana qızım!..» «Jaqsı sóz-jan azıǵı» […]

Nannıń iyisi

-Há júwernemek, ana nannıń usaǵın bastıń-ǵoy! Nan jeseń usaǵın túsirip, shashıp jep júrgeniń. Men saǵan qashanǵı aytaman?-dep qamır jayıp otırǵan Asqardıń apası, oshaqtıń basında qol sozım jerde jatırǵan kesewdi alıp oǵan táp berdi. Asqar ornınan shapshıp turdı da, sırtqa qaray atlıqtı. Bolmaǵanda qaq jıńǵıldan islengen kesew jawırınına tiyetuǵını turǵan gáp edi. Ele uyqıǵa kete qoymaǵan […]

Jáhán chempionı bolaman!

Televizor arqalı qılıshpazlıq boyınsha jarıslardı kórip, qızıǵıp júrgen Tumaris Nókis qalasında da qılıshpazlıq mektebiniń bar ekenin esitip, quwanıp ketti. Soń atasınan ol jerge aparıwın ótinish etti. Atası Saliy aǵa Qudaybergenov aqlıǵınıń ıqlasın jıqpay, onı Olimpiya hám milliy sport túrleri boyınsha Nókis joqarı sport sheberligi mektebiniń qılıshpazlıq sportı dógeregine alıp bardı. Tumaris bul jerde ustazları Dástan […]

Súyip oqıymız

Bizler klasımız benen jaqsı oqıwǵa háreket etemiz. Sebebi, ustazımız Orazsha apa Qudaybergenova bizlerdiń  túsinbegen jerlerimizdi túsindirip, barlıǵımızdı sabaqtan úlgertiwge járdem beredi. Klasta dostım Tumaris penen birge sabaq tayarlaymız. Sonıń menen birge, «Jetkinshek» gazetasın súyip oqıymız. Gazetada ertek hám gúrrińler berilse qaldırmay oqıymız. Oqıǵan erteklerimizdi klasta aytıp beremiz. Soń ustazımız bizlerdi úlgi etip aytıp, basqalarǵa da […]

Siz meniń perishtemsiz — anajanım!

Meniń anam Arıwxan Aytjanova Qaraózek rayonındaǵı 17-sanlı ulıwma bilim beriw mektebinde inglis tili páni oqıtıwshısı. Men anama qanshama táriyp bersem de az. Bilesiz be, bala bolǵannan keyin shoqlıq qılamız, gey­de hádden tısqarı anamızdıń artıqsha mehirin, itibarın kótere almay, ashıwlanıp, qattı sóylep, kewline tiyemiz, qapa etemiz. Biraq, sonda da qátelerimizge kóz jumıp, hár qanday erkeliklerimizdi, qıńırlıqlarımızdı […]