Eki dostıń  jaqsılıǵı

Azat penen Murat shın dos. Olar kúnde mektepke birge barıp keledi. Bir kúni oqıwǵa kiyatırıp bir sumka pul tawıp aladı. Olar bunı dárhal mili­ciyaǵa aparıp beredi.  Usı kúni olar mektepke keshigip ke­ledi. Muǵallim -«Ne ushın keshigip keldińiz?»-dep so­raydı. Olar bolǵan waqıyanı aytıp beredi. Ustazı onı esitip olarǵa islegen isińiz tuwrı bolıptı dep raxmet aytıp basqa […]

ETIK WAQÍYASÍ

Azamat úyiniń jalǵız per­zenti. Oǵan ata-anası hesh baqırmaydı. Bárqulla aytqanın qıladı. Aza­mattıń Tarzan degen qabaǵan iyti bar. Onı kishkene kúshik waqtınan baslap ózi baqqan. Jańa jıl qarsańında Azamat­tıń úyine anasınıń qaladaǵı dosları qıdırıp keletuǵın boldı. Úyinde basa-bas tayarlıq kórile basladı. Anası balasına qonaqlar kel­mesten burın iytin baylap qoyıwdı eskertti. Kóp uzamay kútilgen qonaqlardıń qarası alıstan […]

Jaqsılıq

-Apa, apa siziń aytqanıńız durıs eken,-dep esikten haplıǵıp kirip keldi kishkene balam Sultanbek. Qolında peshenie, bir qısım jıydesi bar. -Haw, bulardı kim berdi?-dedim hayran qalıp. -Oqıwdan kiyatırsaq aldı­mızda bir apa awır sumkasın kótere almay, baratır eken. Ol azǵana júredi de, bir maydan dem aladı. Bizler onıń izinen juwırıp jetip aldıq ta; -Apa, sumkańızdı beriń, kóteriseyik!-dedik […]

Dońız benen iytti kim jarastırdı?

Jaqında ǵana iyt jılı menen xoshlasıp, dońız jılın qarsı aldıq. Jańa jıl bayramın tek insanlar emes, al hay­wanlar da intizarlıq penen kútip alatuǵın qusaydı. Bayram aldınan qalıń toǵaylıqtaǵı bar­lıq haywanlar  úl­ken shırshanıń janına jıy­nalıptı. Sulıw etip be­zetilgen shırsha átira­pında olar óz-ara qızǵın sáwbetke kirisipti. Eń birinshi bolıp, Dońız sózge shıǵıptı; -Ótip baratırǵan jıldı mına qıltırıq […]

«Ábdibek balam, márt jigit bol!»

-Súyinshi, súyinshi Biy­binur, armiyadan ájaǵańnan xat keldi,-dedi pochtalion ishke kirip. Bul quwanıshlı xabardan Amanbay aǵa menen Genje­xan apa da qosıla esik tárepke juwırdı. -Balam, armiyaǵa jaqında ketse de, dárhal xat jazıptı-ǵoy. Ya úyrenispey atır ma eken?-dedi ákesi qáweter­lenip. -Haw, aǵası balamız jaqında armiyaǵa ketse de, ol biz­ler­den uzaq jerlerde júr. Ayna­nayın balam, bizlerdi saǵın­ǵan-ǵoy, shúkirim!-dep […]

«Watan qorǵawshısı-ullı kúsh!»

14-yanvar-Watan qorǵaw­shılar kúni hám Qurallı kúsh­lerimizdiń dúzilgenine-26 jıl tolıwına baylanıslı mektebimizde «Watan qorǵawshısı-ullı kúsh!» atamasında keshe ótkerildi. Kesheni mektebimiz direktorı T. Seytmuratov kiris sóz benen ashtı hám bul qutlı sáne menen bársheni qut­lıqladı. Ol óz sózinde mám­leketimizdiń tınıshlıǵı jolında kúni-túni el xızmetinde júrgen pidayı saqshılardıń xızmetleri hám mektebimizden jetilisip shıqqan usınday márt, bilimli er balaları […]

Watandı qorǵaw-ádiwli wazıypam

Kishkeneligimizde armiyaǵa barǵan ájaǵalarımızǵa háwes penen qaray­tuǵın edik. Olardıń áskeriy kiyimdegi súwretlerin tamashalap, ájaǵa­larımızdıń armiyadaǵı oqıwı hám shınıǵıwları haqqında esitip júrdik. Ózlerimizshe eliklep, áskerlershe qádem atıp hám sálemlesetuǵın edik. Barlıq arzıwlarımızdıń ámelge asıwı óz qolımızda. Alǵa umtılıp maqsetke qádem taslasaq, izlensek álbette, niyetimizge jetisemiz. Men házirgi waqıtta Ózbekstan Respub­likası Ishki isler ministrliginiń Qaraqalpaq akademiyalıq liceyinde […]

Doslar tatıwlıǵı máńgi bolsın!

Minekey, hádemey-aq Jańa jıl bayramınıń kelgenin sezbey qaldıq. Waqıt degen júyrik at kibi tez ótip keter eken. Házirgi waqıtta barlıq qolaylıqlarǵa iye paytaxtımızdaǵı Ibrayım Yusupov atındaǵı qánigelestirilgen mektep-internatta oqıp atırman. Mehriban ustazlarım bilim beriwden hasla jalıqpaydı. Al, doslarım júdá ájayıp. Men bul jerge Qaraózek rayonınan kelgen bolsam, klasımdaǵı oqıwshılar respublikamızdıń túrli aymaqlarınan kelgen. Mektep-internatqa dáslepki […]

Tuńǵıyıqqa baslawshı joldan qaytıń!

Bazıda zıyalı shańaraq perzentleri, bazıda bolsa bardamlı yaki ápiwayı shańaraqta ósken balalar da urlıq etip turadı. Negizinde bunday balalardıń urlıq islewine ne májbúrleydi? Ata-anası tárepinen jeterli dárejede itibar qaratılmaǵanda, yaǵnıy olarǵa ózleri qálegen puldı bermegende, olar ózlerin teńleslerinen artta qalǵanday sezedi. Máselen, ayırım klaslaslarında sońǵı markadaǵı uyalı telefon bar, al onda joq. Yamasa, dostınıń kiygen […]

ÁKEME JÁRDEM BERIŃ, AYAZ ATA!

Aziza júdá miyirman hám aqıllı qız. Jańa ǵana 5-klass bolsa da, ol dosları menen hesh oynamaydı. Oynawdı qálemeydi emes, ol anasına kómekleskendi maqul kóredi. Sebebi, úyinde tek anası kúni-túni jumıs islep, pul tabadı. Al, ákesiniń bolsa ayaqları islemeydi, júre almaydı. Kishkene bolsa da, bunnan Azizanıń jas júregi qıynaladı.  Úyindegi barlıq awırmanlıq anasınıń moynına túsken. Aziza […]