Sol kúni aspan túnerip, bultlasıp, hawa rayı buzılısıp tur­ǵan edi. Hádemey nóserlep jawın quyıp ketti. Tawıq ketektiń esigin bekite almay qaldıq. Apam bir nárse izley basladı. Az­ǵana waqıttan soń, apam qolına uzın suw etikti alıp keldi de, ayaǵına kiyip, tawıq ketek betke qaray adım attı. Jawın bolsa, quyıp atır…

-Way-buw, bunshama nesi eken? Jawın sheleklep quydı-ǵoy,-dep tawıq ketektiń awzın jawǵan boldı.

Esiktiń aldında turǵan bes jasar úkem: -Haw, apa jawındı aspannan kim sheleklep quyadı?-dep saldı.

Apam da, men de úkemniń bul sózine erksiz kúlip jiberdik.

 

Muxritdin  Qurbaniyazov

Paytaxtımızdaǵı I.Yusupov atındaǵı dóretiwshilik mekte­biniń 9-klass oqıwshısı