Men Nókis qalasındaǵı «Barkamal áwlad» balalar mektebiniń «Jas jurnalist» dógeregine qatnasaman. Biziń mektebimizde 36 dógerek boyınsha 73 toparda 1190 oqıwshı óner hám bilim úyrenbekte. Bul jerde biz- oqıwshılardıń bilimimizdi asırıp, óner úyreniwimiz ushın barlıq sharayatlar jaratılǵan. Yaǵnıy, «Lipaslar» dógereginde qızlardıń kiyim tigip úyreniwi ushın tigiw mashinası, «Roboto texnika» dógeregi bolsa barlıq texnikalıq ásbap-úskeneler menen támiyinlengen. Bunday imkaniyatlar biziń mektebimizdegi hámme dógereklerde de bar. Sonıń ushın da oqıwshılar ustazlarınıń bergen bilimlerin aqlaw ushın hár qıylı jarıslarda sıylı orınlardı qolǵa kirgizip atır. Jaqında ǵana bolıp ótken «Dóretiwshi balalar» festivalında Nókis qalalıq «Barkamal áwlad» balalar mektebiniń 50 oqıwshısı qalalıq basqıshqa jollama aldı. Bul da mektebimizde jaratılǵan imkaniyatlar hám ustazlarımızdıń bergen bilim­leriniń nátiyjesinde dep oy­layman.

Áyne jazǵı demalıs payıtında bul dárgay dóretiwshi balalar menen tolı. Talantlı, ónerli balalarımızdı hár tárep­leme jetilistiriwde, qollap-quwatlawda «Bárkamal áwlad» balalar mektebiniń xızmeti ayrıqsha.

 

S.Xalmuratov

Nókis qalasındaǵı «Bar­kamal áwlad» balalar mektebiniń «Jas jurnalist» dógereginiń aǵzası