DÍQQAT: TAŃLAW!

Ádiwli ustazlar, mehriban ata-analar!

«Jetkinshek» gazetası degende bársheńiz de óz balalıǵıńızdı tatlı sezimler menen esleseńiz kerek. Óz atın bir ásirge shamalas waqıttan berli ózgertpey jas áwladtı tálim-tárbiyalı, ullı maqsetler jolında tárbiyalap kelgen. Erteńgi keleshegimiz bolǵan jas áwladtıń hár tárepleme ozıq oylı, uqıplı hám talantlı bolıp jetilisiwinde, ruwxıy dúnyasınıń bayıwında, dúnyaǵa degen jańasha kóz-qarasınıń qáliplesiwinde, balalar basılımınıń ornı ayrıqsha.

Gazeta-jurnallarǵa 2020-jıl ushın jazılıw mapazı baslandı. Bul mapazda ózliginen tabıs taba almaytuǵın balalarımız sizlerdiń ǵamxorlıǵıńızǵa, qollap-quwat­lawıńızǵa mútáj. «Jetkinshek» jas áwladtı hámiyshe jetiklikke, kámillikke jeteleydi. Ol sizlerdiń balalarıńız ushın eń jaqın sırlas dos bola aladı. «Jas áwladqa itibar-keleshekke itibar»-degen sóz! Sonlıqtan, balalarımızdı 2020-jılda eń jaqın dostısı-súyikli gazetasınan biynesip qaldırmayıq, áziz zamanlaslar!

 

SAWǴALAR SIZLER USHÍN!

«Jet­kinshek» gazetası hár jıldaǵıday Qara­qalpaqstan Res­publikası Xalıq bilimlendiriw minis­trligi menen birgelikte 2020-jıl ushın jazılıw mapazın sapalı ótkeriw maq­setinde gazetaǵa jazılıwshılar arasında tańlaw shól­kem­lestirmekte. Tańlaw rayonlıq, qalalıq Xalıq bilim­lendiriw bólimleri menen ulıwma bilim beriw mektepleri arasında eki baǵdarda ótkeriledi.

Birinshi baǵdarda eń jaqsı kórsetkishke erisken rayon­lıq, qalalıq xalıq bilim­lendiriw bólimleri ushın:

-1000 dana «Jetkinshek»ke 12 ayǵa tolıq jazılǵanlarǵa 1 komplekt sońǵı markadaǵı kompyuter, yamasa bahası usıǵan turarlıq basqa zatlar alıwına da boladı.

-500 danaǵa 12 ayǵa tolıq jazıl­ǵanlarǵa kompyuter yamasa qálewi boyınsha bahası usıǵan turarlıq basqa da bahalı sawǵalar beriliwi múmkin.

Ekinshi baǵdarda eń jaqsı jazılǵan mektepler ushın:

-100 danaǵa 12 ayǵa jazılǵan mekteplerge mikrotolqınlı pech yamasa bahası usıǵan turarlıq zatlar beriledi.

-50 danaǵa 12 ayǵa jazılǵan mek­teplerge qımbat bahalı zatlar beriliwi múmkin. (Mısalı, ventil­yator, gilem, palas h.t.b.)

Hár jıldaǵıday bir jılǵa eń birin­shilerden bolıp bir danaǵa jazılǵan jeke jazılıwshı­larımızǵa da bahalı saw­ǵalarımız bar. Tańlaw usı jıldıń dekabr ayınıń ayaǵına shekem dawam etedi. Jeńimpaz bolıwdı qálewshiler tań­lawdıń shárt­lerine muwapıq usı jıldıń 25-dekabrine shekem kvitan­ciyaların «Jetkinshek» gaze­tasınıń redak­ciyasına  ákelip kórsetiwi shárt yamasa kvitanciyanıń nusqasın pochta arqalı jónetse de boladı.

indeksimiz:

jeke puqaralar ushın—2010,

mákemeler ushın—2011

Áziz oqıwshılar, súyikli gaze­tańızǵa 1 jılǵa jazılıwǵa ası­ǵıń hám bahalı sawǵalarǵa iye bolıń. «Jetkinshek» hámiyshe sizler menen birge!