Mine, bizler jazǵı dem alıs­qa da shıqtıq. Ustazım Tazagúl apa Orazbaeva bizlerge; -«Jaz­ǵı dem alısıńızdı bosqa ótker­mey, ata-ana­ńızǵa jár­dem­lesip, ádebiy kitaplar oqıń. Oqıw baslan­ǵanda qanday kitap oqı­ǵa­nıńız haqqında sorayman»,-dedi. Maǵan ákem Juma­niyaz Óteni­yazovtıń «Aral­daǵı akula» ata­masındaǵı kitabın ákelip berdi. Men quwanıp qoya berdim. Anama úy jumıslarına járdemlesip bolıp, sol kitaptı oqıp bas­ladım. Tez kún ishinde oqıp boldım. Júdá qızıq eken. Kitaptı oqıp bolǵanımnan keyin, ata-anama mazmunın aytıp berdim. Olar da quwanıp qaldı.

-Qızım, bárekella; jáne saǵan kitap ákelip beremen,-dep wáde berdi. Onı esitken bes jasar úkem Aziyma da, maǵan da ákelip beriń,-dedi ákeme qıyılıp.

-Meniń kitapqumar qız­larımnan aynanayın,-dep bizlerdi ákem marapatladı.

Ayjamal BEGIMOVA

Nókis qalasındaǵı 11-sanlı ulıwma bilim beriw mektebiniń 2-klass oqıwshısı