Respublikalıq málimleme resurs orayı Balalar kitap­xanasında «Kewilli yapon tili» súreni astında yapon tili dógeregi shólkemlestirilgen. Bul dógerekke yaponiyalı Yu.Fujiki basshılıq etedi. Bul dógerekke házirgi waqıtta 35 oqıwshı aǵza. Dógerek aǵ­zaları yaponsha ayaq oyın­lardı, aytıslardı úyrenip atır. Sonday-aq, olar yapon tilin­degi er­teklerdi qaraqalpaq tiline awdarıp ta úyrenbekte. Dó­gerekte bayram kesheleri Yapon tilinde shólkem­les­tiriledi.

Jaqında «Yaponiya bayra­mı» atamasında keshe ót­kerildi. Kesheni dógerek bas­shısı Yu.Fujiki shólkemlestirdi. Keshede oqıwshılar milliy yapon kiyimlerin kiyip, óz­leriniń úyrengen yapon ayaq oyınların oynap, taqmaq, qosıqlar ayttı. Yaponsha qaǵazdan zat islew, «Sushi», «okonomiyaki» milliy taǵam­larınıń tayarlanıwın kórsetti. Bárshe miymanlar, keshe qatnasıwshıları yapon shayınıń dámin tatıp kórdi. Bayram keshesi mazmunlı hám zawıqlı ótti.

Qundız ZIYRAPOVA

QMUniń jurnalistika tálim baǵdarınıń 1-kurs studenti