Bir kúni nawqaslanıp, Nókis qalalıq medicina bir­lespesiniń kardiologiya bó­limine emleniw ushın jat­tım. Emlewxanada maǵan táji­riybeli shıpaker gema­tolog Gúlistan Qarlıbaeva shiyrin sózi hám shıpalı qolları menen sala­matlıǵıma jaqsı qaradı. Bir kúni hal-awhalımnan xabar alıw ushın aqlıq qızım keldi. Sol payıtta Gúlistan shı­paker qızıma biraz qarap turıp:

-Haw aǵa, aqlıq qızıńız­dıń bir jeri awırıp turǵan joq pa? Betleri aǵarıp, onsha mazası joqqa uqsaydı-ǵoy. Usı qı­zıńızdıń qanı az. Gemog­lobinin kóbeytiw kerek,-dedi ol aqlıǵıma názer taslap. Bul shıpa­kerdiń aytqanları durıs edi. Shınında da, sol kúnleri aqlıq qı­zımnıń mazası bolmay awırıp júr edi. Onı bul shıpaker onıń túr-túsine qarap-aq qalay seze qoydı eken?-dep oyladım.

-«Awırıwdıń aldın al, qáste bolmastan burın» degen dana xalqımız. Kóp­shiligimiz tek ǵana qattı nawqaslanıp, awırıw asqın­lap ketkennen soń, emlew­xanaǵa baramız. Sulıw qızıńızdı da óz waqtında emletiń, medicina kóriginen ótsin,-dedi ol janı ashıp sóylep.

Gúlistan shıpaker bár­qulla nawqaslardı shiyrin sózi hám shıpalı qolları menen emlep qoymastan, áne sonday aq xalatqa, Gippokrat antına sadıq bolıp, óz kásibine degen pidayılıǵı menen xızmet etedi. Ol jan-átirapqa iti­barlı bolıp, adamlardıń júzinen-aq, qay jeri awırıp turǵanın bayqaydı.

Tájiriybeli shıpakerdiń jumıs barısındaǵı iskerligi maǵan unadı. Men bul kásipke qalay kelip qal­ǵanlıǵı tuwralı qızıqsınıp onnan soradım.

-Men shıpakerler shańa­raǵında dúnyaǵa keldim. Ákem Ermekbay Qarlıbaev hám anam Ayımgúl Ram­bergenovalar da usı medi­cina tarawında kóp jıllar dawa­mında xızmet etti. Olardıń jolın dawam etiw maqsetinde men de shı­pakerlik kásibin tańladım. Ata-anam da naw­qaslardıń kewline jol tawıp, adamlardı emlep-aq pátiyasın alǵan. Kópshilik insanlardıń ómi­rin saqlap qalıwda ayan­bay miynet islegen. Sol waqıtları meniń de shıpakerlik ká­sibine degen súyis­pen­shi­li­gim hám qızıǵıwshılıǵım ar­tıp, oqıp, izlenip, bul taraw­ǵa kelip qalǵanman. Ákem kóbinese, «-Qızım, aldıńa kelgen nawqastı bi­rinshi gezekte shiyrin sóziń menen dawalay bil. Sebebi, «Jaqsı sóz-jan azıǵı» degen. Olar jaqsı sózdi esitiw arqalı da táwir bolıp ketedi. Hesh waqıtta izleniwden toqtama, alǵa talpın. Úlken sawap-bul naw­qaslardıń tezirek sawalıp keti­winde. Sonda ǵana sen xalıq­tıń iseni­mindegi insan bola­sań,-dep qayta-qayta násiyat etetuǵın edi. Ata-anam­nıń jayı jánnette bol­sın, olardıń bul gáplerin hesh waqıtta umıt­payman,-dep ol ata-anasın eske aldı.

Haqıyqatında da, Gúlis­tan Qarlıbaeva qolı jeńil hám tájiriybeli shıpaker. Onıń nawqasları bul emlew­xanadan kúle shıray berip, sheksiz alǵıslar aytıp ketedi. Meniń de densawlıǵım áde­wir jaq­sılanıp, bul jerden shıpa taptım. Ómir saqshısı bolǵan Gúlistan Qarlıbaeva­nıń jumıslarında tasqın tabıslar tileymen. Shańara­ǵında meh­riban ana bolıp, jámiyette el súygen insan­lardıń biri bolıwına tilek­lespen!

X.AVEZMURATOV

Miynet veteranı,

Nókis qalası