Oqıwshılar arasında salamat turmıs tárizin qáliplestiriw, olardıń dóretiwshilik qábiletin rawajlandırıw, náshebentlik hám basqa da túrli jaman illetlerge qosılıp ketiwiniń aldın alıw maqsetinde 10-iyun kúni Respublikalıq «Bárkamal áwlad» balalar  orayında «Illetlerge qarsı gúreseyik!» atamasında dóretiwshilik tańlaw ótkerildi.

Bul tańlawda jámi 34 oqıwshı 2 basqısh: súwretlew óneri hám sheber qollar boyınsha ózleriniń bar qábilet hám sheberliklerin kórsetti.

Oqıwshılardiń mine usınday dóretpeleri ádil tóreshiler tárepinen múnásip bahalandı. Nátiyjede «Súwret baǵdarı» boyınsha 1-orındı Res­publikalıq «Bárkamal áwlad» balalar orayınan Fazılbek Sharapov,  2-orındı Taqıyatas rayonındaǵı «Bárkamal áwlad» balalar orayınan Saera Reyimbaeva, al, 3-orındı Ellikqala rayonındaǵı «Bár­kamal áwlad» balalar orayı­nan  Xayrulla Rajapov iyeledi.

«Sheber qollar» baǵda­rınan 1-orınǵa Shımbay rayonındaǵı «Bárkamal áw­lad» balalar orayınan Ázizbek Keńesbaev, 2-orınǵa Beruniy rayonındaǵı «Bár­kamal áw­lad» balalar orayınan Sevara Juma­niyazova, 3-orınǵa Ke­geyli rayonındaǵı «Bár­kamal áwlad» balalar orayı­nan Dila­ram Qalimbetova ilayıq dep tabildı.

Olar shólkemlestiriwshiler táre­pinen «Diplom» hám bahalı sawǵalar menen sıylıqlandı.

Sárbinaz QARAJANOVA,

QMUniń jurnalistika tálim baǵdarınıń 1-kurs studenti