Bıyıl elimizdiń bilimlendiriw tarawında jáne bir jańalıq bolmaqta. Ana mektep qu­shaǵında onbir jıl tálim-tárbiya alǵan ul-qızlar ózleriniń qádirdan bolıp qalǵan oqıw dárgayı menen xoshlasıp úlken turmısqa qaray jollama alıw aldında. Usı oqıw jılın juw­maqlaw hám «Sońǵı qońıraw» ilajları ulıwma bilim beriw mákemelerinde «Meniń mek­tebim-menıń úyim» uranı astında ótkeriledi. Bul ilajlarǵa mekteplerdiń birinshi hám onbirinshi klass oqıwshıları qatnasadı. Veteran ustazlar, ata-analar, kásiplik awqam, mákan puqaralar jıyınları hám birge islesiwshi shólkemler, sonday-aq, kópke órnek bolǵan mekteptiń burınǵı pitkeriwshileri miyman bolatuǵın bul ilajlardıń hár dayımǵıdan da qızıqlı, este qalarlıqtay bolıp ótiwi kútilmekte.

Qaraqalpaqstan Respublikası Xalıq bilimlendiriw minis­trliginen alınǵan maǵlıw­mat­larǵa qaraǵanda bıyılǵı oqıw jılında 706 ulıwma bilim beriw mektepleriniń onbirinshi klas­ların 14683 oqıwshı pitkerip shıǵadı.

Haq jol Sizlerge, Húrmetli pitkeriwshiler!

Súwrette: Nókis qalasındaǵı 25-sanlı ulıwma bilim beriw mektebiniń pitkeriwshisi B.ALIEV hám 1-klass oqıwshısı J.QÁLLIBEKOVAlar

Dosan BERDAMBETOVtıń túsirgen súwreti