«Bilim» baspasınan xalıq awızeki dóret­peleri sanalǵan qara­qalpaq xalıq ertekleri ana tilimiz benen birge inglis tilinde de jarıq kórdi. Inglis tili páni oqı­tıwshıları, apa-sińli Kamila hám Jámiyla Begjanovalar qara­qalpaq xalıq ertek­lerin inglis tiline aw­dardı. Olardıń aw­dar­ma­sındaǵı «Kids Tales», «Kara­kalpak Folk Fairy tales» atlı qol jazbası 2018-jıl 23-mayda Ájiniyaz atındaǵı Nókis mámleketlik peda­gogikalıq in­s­titutınıń  shet tili hám ádebiyatı fakultetiniń ilimiy keńesinde kórip shıǵılıp, baspaǵa usınılǵan edi. «Mójene tas», «Kók qoshqar hám qızalaq», «Asan hám Abat», «Meh­riban bala», «Aǵalı-inili ta­lapkerler», «Eń ullı kásip», «Sıyqırlı malaqay», «Tas», «Perishteniń qú­direti», «Dáw menen bala», «Ańqaw bala» sıyaqlı bir neshe ertekler ana tilimiz benen birge inglis ti­linde de orın alǵan. Ertek­ler­degi waqıya-hádiy­seler, qubılıslar oqıwshılardı tán qalarlıq álemge jeteleydi. Ondaǵı sıyqırlı is-há­re­ketler qıyalıy bolǵanı menen jaq­sı­lıqtıń jaman­lıq ústinen jeńiske eri­setuǵınlıǵı epikalıq súw­retlewler menen beriledi. Bul kitap mektep oqıwshıları ushın arnalǵanı menen qá­legen jastaǵı adamlar ushın qızı­ǵıwshılıq oyatadı, degen úmittemiz.

Polat ÓTENIYAZOV

Ilimiy xızmetker