Mektebimizdiń 9-klass oqıwshısı Qudaybergen Tilepbaev «Pánler olimpiadası»nıń Qaraqalpaqstan Respublikalıq basqıshında qaraqalpaq tili hám ádebiyatı páninen 1-orındı iyeledi.

Usı múnásibet penen mektebimizde saltanatlı keshe bolıp ótti. Kesheni mektebimizdiń direktorı T.Tóreshova kiris sóz benen ashıp berdi hám alıp bardı. Mek­te­bi­mizdiń maqta­nı­shına aylanǵan bilimdan Quday­bergen Tilepbaevtı onıń ustazı 1-kategoriyalı qaraqalpaq tili hám ádebiyatı páni muǵallimi Qatira Ata­muratovanı da erisken jetiskenlikleri menen já­máátimiz atınan qızǵın qutlıqladıq. Olarǵa mek­tebimiz tárepinen arnawlı «Diplom» hám bahalı sawǵalar tapsırıldı.

Aldaǵı waqıtları mek­tebimizde Qudaybergen sıyaqlı oqıwshılarımızdıń sanı artıp barıwına tilek­lespiz.

M.Idaev

Nókis qalasındaǵı 10-sanlı ulıwma bilim beriw mek­tebiniń  ruwxıy aǵar­tıw­shılıq isleri boyınsha direk­tordıń orınbasarı