Klaslasımız Manzura Orınbaeva kitapqumar, bilimge qushtar qız. Barlıq pánlerden «5» bahasına oqıydı. Ol «Pánler olimpiadası»nıń Qaraqalpaqstan Respublikalıq basqıshında «Ekonomika bilim tiykarları» páninen qatnasıp, sıylı 1-orındı iyeledi. Bul quwanıshlı xabardı esitip, bizler de quwanıshqa bólendik.

Jarıs bolıwdan aldın Man­zura nawqaslanıp qalǵan edi. Soǵan qaramastan, ol ruwxın túsirmedi, tayar­lanıwdan toq­tamadı. Onıń bul miynetleri zaya ketpedi. Nátiyjede tabısqa eristi, «Diplom» hám Tashkent qalasında dem alıw ushın jollamaǵa iye boldı.

-Bul «Diplom» hám jol­lamanıń haqıyqıy iyeleri bi­rinshi náwbette maǵan barlıq múmkinshiliklerdi jaratıp ber­gen ata-anam, tayar­lanıwımda úlken járdem bergen ustazım Dina apa Balımbetovalarǵa aytar alǵısım sheksiz. Eger, olar meni qollap-quwat­lama­ǵanda, itibar bermegende, bunday tabısqa erispegen bolar edim. Keleshekte olardıń isenimin aqlap, isbilermen bolıp, xalqıma hadal xızmet etemen,-deydi Manzura Orınbaeva úlken isenim menen.

Men de dostım Manzuranı bul tabısı menen qut­lıq­layman. Tabısları tabıslarǵa ulasa bersin, deymen.

Biybijamal REYIMBAEVA

Paytaxtımızdaǵı I.Yusupov atındaǵı qánigelestirilgen mektep-internattıń oqıwshısı