Nókis qa­lasındaǵı 40-sanlı ulıwma bilim beriw mektebiniń 9-klass oqıw­shısı Xafiza Sul­taniyazova «Jetkinshek»­tiń eń bel­sendi xabarshılarınıń biri. Ol bos waqıtlarında Qa­ra­qalpaqstan radiosınıń «Jas áwlad» esittiriwiniń «Kitaplar álemi»nde rubrikasınıń bas­law­shısı. Xafiza bizge mek­tebinde bolıp ótken ilajlar haqqında xat jollaptı.

«QUSLAR—BIZIŃ DOSTÍMÍZ»

Mektebimizde biologiya páni oqıtıwshımız Aynura Almenovanıń baslaması menen «Quslar bayramı» bolıp ótti. Keshege mekte­bimizdegi barlıq oqıwshılar belsene qatnastı. Oqıwshılar tárepinen quslar haqqında hár qıylı maǵlıwmatlar ay­tılıp, soraw-juwaplar ót­kerildi, jumbaqlar aytıstı. Tárbiyalıq áhmiyetke iye saxnalıq kóri­nisler, namalı qosıqlar bay­ram qatna­sıw­shılarına zawıq baǵıshladı.

Ásirese, qus maketleri hám qus uyaların jasaǵan oqıw­shılar miymanlardıń alǵısına bólendi. Sonday-aq, ayırım oqıwshılar «Janlı múyesh» jasap ózleri baǵıp atırǵan qusların hám olardıń máyek­lerin alıp keldi. «Quslar-biziń dos­tımız» uranı astında bolıp ótken bul bayram keshesi bárshede quslarǵa degen mehirdi oyattı.

 

«KITABÍM — QUYASHÍM»

Mektebimizdiń Jaslar awqamı hám «Kamalak» balalar shólkemi jetekshisi Gúlbáhár Ibragimova hám bir qatar sárdarlardıń basla­ması menen «Kitabım-quya­shım» atamasında tańlaw bolıp ótti. Tańlaw 7-klastan baslap 11-klass oqıwshıları arasında ótkerildi. Tańlaw «Men súygen ádebiy shıǵar­ma» temasında dóretiwshilik jumıs hám soraw-juwap shártlerinen ibarat boldı.

Tańlaw juwmaǵında je­ńimpaz dep tabılǵan oqıw­shılar shólkemlestiriwshiler táre­pinen «Húrmet jarlıq»ları hám sawǵalar menen sıy­lıqlandı.