Jaqında Berdaq atındaǵı Qara­qalpaq mámleketlik universitetinde 1-aprel—Xalıqaralıq quslar kúnine baǵıshlanıp «Dostım, báhár keldi, qarsı al, uyań tayar, orın al!» atamasında bayram keshesi bolıp ótti.

Universitettiń «OTUS» stu­dentler ornitologiyalıq klubı tá­repinen shólkemlestirilgen ilajǵa Ózbekstan Respublikası Eko­logiyalıq Háreketi Qara­qal­paq­stan bólimi baslıǵı A.Begimova, paytaxtımızdaǵı 23-33-sanlı ulıwma bilim beriw mektep­leriniń oqıwshıları hám muǵal­limleri, Tábiyattanıw fakulteti professor-oqıtıwshıları hám student-jaslar qatnastı.

Bayram keshesinde univer­sitettiń professor-oqıtıwshıları, ilaj miymanları hám student-jaslar shıǵıp sóylep, quslardı qorǵaw boyınsha ózleriniń pikir-usınısların bildirdi. Ásirese, qalamızda tereklerdiń sanınıń keskin kemeyiwi aqıbetinde quslar ushın jasaw ornı azayıp baratırǵanlıǵı, úlken imaratlardıń terezelerine quslardıń dıqqatın tartıwshı belgiler qoyılmaǵanlıǵı sebepli olardıń tereze aynalarına urılıp, jaraqat alıw jaǵdaylarınıń júz beriwi sıyaqlı temalar ilaj qatnasıwshıları tárepinen tal­qılandı. Sonday-aq, keshe da­wamında mektep oqıwshılarına «Qızıl kitap»qa kirgizilgen quslar túri haqqında maǵlıwmatlar berilip, mektep oqıwshıları táre­pinen quslar temasında salınǵan súwretler hám plakatlar kórgiz­besi, atqarılǵan qosıq-taqmaqlar tamasha etildi. Iláj juwmaǵında quslar ushın islengen uyalar mektep hám jámiyetlik parklerge qıstırılıwı belgilep alındı.

O.Raximbaev

QMUniń Tábiyattanıw fa­kulteti studenti