Jaqında Qaraqalpaqstan Respublikası Ishki isler ministrligi tárepinen Ózbekstan Respublikası Ishki isler ministrligi Qaraqalpaq akademiyalıq liceyine avtobus hám jeńil mashinalardı saltanatlı tapsırıw máresimi ótkerildi.

Ilajda Qaraqalpaqstan Respublikası Ishki isler ministri A.Temirxanov sózge shıǵıp, mámleketimizde ishki isler xızmetkerleri ushın jaratılıp atırǵan qolaylıqlar haqqında qısqasha aytıp ótti. Soń, ózimizde islep shıǵarılatuǵın «Samauto» avtobusı, «Damas» hám «Neksiya» avtomashinalarınıń giltlerin liceyimiz direktorı U.Qadirovqa tapsırdı.

Bul avtomashinalardıń beriliwi liceyimizdiń imkaniyatların ele de arttıradı. Jaqın arada ámeliyatqa shıǵıwdı rejelestirip atırǵan 3-basqısh oqıwshılarınıń waqtın únemlew, qáwipsizligin támiyinlew hám álbette, ámeliyat dáwirin nátiyjeli ótkeriwine járdemin tiygizedi.

Muxtar Úmbetov

Ózbekstan Respublikası Ishki isler ministrligi Qaraqalpaq akademiyalıq liceyiniń oqıwshısı