9-aprel kúni paytaxtımızdaǵı Berdaq atındaǵı Qaraqalpaq mámleketlik aka­demiyalıq múzikalı teatrında Qaraqalpaqstan Respublikası Konstituciyasınıń qabıl etilgenine 26 jıl tolıw múnásibeti menen saltanatlı májilis bolıp ótti.

Saltanatlı májiliste Qaraqalpaqstan Respublikası Joqarǵı Keńesiniń komitet baslıǵı S.Turmanov sózge shıǵıp, ilaj qatnasıwshıların hám gúllán xalqımızdı Qaraqalpaqstan Respublikası Joqarǵı Keńesi hám Ministrler Keńesi atınan ullı bayram menen qutlıqladı. Bunnan soń, Qaraqalpaq mámleketlik universitetiniń studenti D.Lepesbaev Kon­stituciyamızda belgilep berilgen huquq hám erkinlikler, olardıń turmısımızdaǵı áhmiyeti haqqında bayanat isledi. Respublikamızǵa belgili shayır N.Matyakupova májilis qatnasıwshıların bayram menen qutlıqlap, bayramǵa arnalǵan qosıq qatarların oqıp berdi.

Saltanatlı májilis respublikamızdıń kórkem óner sheberleri tárepinen tayarlanǵan koncert baǵdarlaması menen dawam etti.

B.Sultamuratov

arnawlı xabarshımız