Men muzıkaǵa hám qosıq aytıwǵa júdá qızıǵaman. Házirgi waqıtta rayonımızdaǵı 5-sanlı Balalar muzıka hám kórkem óner mektebiniń es­trada-fleyta bóliminde mu­zıka hám qosıq aytıw sırların us­tazlarım N.Orazova hám S.An­tonlardan úyrenip atır­man. Nawrız hám Ǵárezsizlik bay­ramlarında, ádebiy ke­she­lerde saz shertip, qosıq aytıp, belsendilik kórsetip atırman.

Qábiletli, ónerli hám ta­lantlı oqıwshılardı júzege shıǵarıwda ótkerilip kiya­tırǵan «Kamalak» balalar dóretiwshilik festiva­lınıń «B» baǵdarı boyınsha Qa­raqal­paqstan Respublikalıq bas­qıshına  belsene qatnas­tım.  2018-jılı balalar muzıka hám kórkem óner mektepleri oqıw­shıları arasında ansam­bller tańlawınıń Qaraqal­paq­stan Respublikası basqı­shında 1-orındı toparımız benen iyele­dik. Al, Óz­bekstan Res­pub­likalıq basqıshında estrada sazen­deleriniń úlken toparı qu­ramına qatna­sıp, oz dos­larım menen birge úshinshi dárejeli Diplomdı alıwǵa eristik. Házirgi waqıtta da us­tazlarımızdan ke­lesi ót­keriletuǵın tańlaw­larǵa puqta tayar­lanıp atırmız. Ál­bette, ata-anamız­dıń hám ja­lıqpay bilim úyretip atırǵan us­taz­larımızdıń miy­netlerin aq­lawǵa háreket etemiz. Usın­day im­kaniyatları kóp, tınısh, tatıw Watanımnıń bax­tiyar perzenti ekenligim­nen quwa­nıshlıman! Kele­shekte el súy­gen qosıqshı bolıp, xalqımızdıń jaqsı kún­lerinde qosıqlar aytıp úlesim­di qosıw baslı maqsetim.

Dilshod Utemuratov

Xojeli rayonındaǵı 32-sanlı ulıwma bilim beriw mektebiniń 9-klass oqıw­shısı