Qızıl, sarı, jasıl  reńler óz-ózinen biziń jol­lardaǵı saqshımız. Biz qay mánzilge jol al­mayıq, bizge tuwrı jol kórsetiwshi bul sve­toforlar jol qaǵıy­dalarınan sabaq berip turadı. Solay eken, biziń ómi­rimizdiń paydasın oy­lawshı svetoforlar haq­qında tek ǵana jası úlkenler emes, kish­kene doslarımız da bilip qoy­ǵanı paydadan jıraq emes, álbette. Usı maq­sette jaqında 34-sanlı mektep­ke she­kemgi bilimlen­diriw máke­me­siniń 2-sanlı kishi toparı tárbiyashısı Jamila Oraz­baevanıń «Dáslepki qadem» dástúri boyınsha «Reńli svetofor» atamasında ashıq sabaq ótkerdi.Bul ashıq sabaqtıń maqseti-balalardı jol qaǵıydaları menen jaqınnan tanıstırıw, olardıń til baylıǵın arttırıw hám  shaqqanlıqqa, itibarlıqqa úyretiw. Ashıq sabaq barısında balalar svetofor haqqında oyınlar, taqmaqlar hám qosıqlar aytıp berdi. Olar islemey qalǵan jaǵdaylarda ne islew kerekligin, onıń qaysı reń qanday háre­ketleniwdi talap etetuǵınlıǵın aytıp, kishkene balalarımızǵa túsindirdi. Sonday-aq sabaq barısında «Men MAY xızmetkerimen» atamasındaǵı syujetli oyın tayarlanıp, balalar táre­pinen atqarıldı. Bunıń nátiyjesinde balalar bilimin ele de bekkem­lewge hám jol qaǵıy­daları boyınsha  tereńi­rek úyreniwge erisildi. Bunday ashıq sabaqlar­dıń ótkeriliwi óz náwbe­tinde kele­shek iyeleri bolǵan kishkenelerimizdi aqıllılıqqa, sabırlılıqqa hám álbette itibarlı bolıwǵa úyretedi. Solay eken, hámme­miz jol qaǵıy­dalarına ámel eteyik! Sebebi, jol qaǵıydası-ómir paydası!

Dilnoza Muqanbetova

Lobar Saburova

QMUniń jurnalistika qanigeliginiń  4-kurs studentleri