Erte zamanlarda bir hayaldıń balaları kóp bolıptı. Báhár aylarınıń baslanıwı edi. Qıs azıǵın tawısıp, ana paqır per­zentlerine  awqat pisiriwge hesh nársesi qalmaptı. Ol ilajsızlıqtan qapta qalǵan azǵana ónip ketken biydaydı qazanǵa salıp, suw quyıp bılǵay baslaydı. Ash qalǵan balaları awqattıń pisiwin kútip-kútip uyqılap qaladı. Hayal qazandı túni menen qaynatıp, sharshap, aqırı onıń da kózi ilinip ketedi. Túnde aspannan jeti perishte túsip, qazanǵa qolların basıptı. Azanda ana hám balaları oyansa, qazan tárepten xosh iyis olardıń murnın jarıptı. Barlıǵı qazan betke barıp, qaqpaǵın ashıp qaraptı. Taǵam qop-qońır bolıp, ústinde qanday da bir naǵıs sızılǵan. Olar bet qolların juwıp, ıssı suw ishkennen soń, qa­zandaǵı súmelekti toy­ǵansha jeydi. Hayal bunday mazalı taǵamnıń ózinen-ózi payda bol­ǵanına hám perzent­leriniń biynesip qalma­ǵanına quwanıptı.

Mine, usı waqıyadan baslap, hár jılı báhár ayında súmelek pisiriw xalıq ara­sında úrdiske aylanǵan eken.

Roza Ibragimova

Tórtkúl rayonındaǵı 26-sanlı ulıwma bilim beriw mektebiniń oqıwshısı