«Jetkinshek» gazetasınıń redakciyası mektep oqıwshılarınıń inglis tilindegi bilimlerin arttırıw, usı tilde dóretiwshilik etiw uqıbın rawajlandırıw maqsetinde «Jas poliglot dóretpesi-2019» tańlawın járiyalaydı. Tańlawǵa mektep oqıwshıları tárepinen jazılǵan inglis tilindegi maqalalar, qosıqlar, krossvordlar, qısqa gúrrińler (short story) qabıl etiledi.

Tańlaw shártleri:

-dóretpeler aldın mektep sabaqlıqlarında, oqıwlıq kitap­larda shıqpaǵan bolıwı;

-dóretpeniń kólemi eger, ol kompyuterde terilse, bir betten, al qolda jazılsa, eki betten artıq bolmawı;

-qısqa hám tujırımlı oy-pikirge iye bolıwı, waqıya tolıq hám bala­lar tematikasına sáykes bolıwı;

-inglis tiliniń grammatikalıq hám imla qaǵıydaları saqlanǵan bolıwı;

-dóretpe iyesiniń atı hám familiyası, mánzili hám mektebi tolıq kórsetilgen, baylanıs ushın telefon nomeri jazılǵan bolıwı talap etiledi.

Tańlaw juwmaǵında  usı jıldıń 1-fevralınan 15-dekabr aralıǵında «Jas poliglot dóretpesi-2019 tańlawı» rubrikası astında gazeta betlerinde shıqqan dóretpelerdiń arasınan maqala, qosıq, kross­vord hám qısqa gúrriń janrları boyına eń jaqsı tórt tańlaw jeńimpazı tańlap alınadı. Tańlaw jeńimpazları jıl juwmaǵına arnap ótkeriletuǵın keshede redakciya tárepinen «Húrmet jarlıqları» hám qımbat bahalı sawǵalar menen sıylıqlanadı.

Tańlawǵa dóretpelerińizdi pochta arqalı: Nókis qalası, Islam Kárimov gúzarı kóshesi 111-jayǵa yamasa internet tarmaǵı arqalı: begishsultan@mail.ru; jetkinshek1932@mail.ru elektron pochta mánzillerine, telegram tarmaǵı arqalı: +998913944183 nomerine jollasańız boladı.

REDAKCIYADAN