Ózbekstan Jurnalistler awqamı, Qaraqalpaqstan Jazıwshılar awqamı aǵzası, shayır, jazıwshı, awdarmashı Jumaniyaz Óteniyazovtıń 60 jıllıq yubiley sánesine arnalǵan ádebiy keshe respublikalıq Balalar kitapxanasında bolıp ótti. Ádebiy keshege jurnalistler, jazıwshılar, bilimlendiriw pidayıları hám mektep oqıwshıları qatnastı. Kesheni Balalar kitapxanası direktorı Z.Seytniyazova kiris sóz benen ashtı. Ádebiy keshe miy­manları óz shıǵıp sóylewlerinde jazıwshı, shayır, awdarmashı J.Óte­niyazov haqqında kóplegen unamlı pikirler bildirip ótti.

Folklortanıwshı Seydin Amirlan:  -Qa­ra­qalpaq ádebiyatı rawaj­lanıwında úles qosıp, úzliksiz qálem terbetip kiya­tırǵan insan Juma­niyaz aǵanıń poe­ziya hám prozada dóre­tiwshiliginiń qayna­ǵan waqtı endi bas­lanadı-dep, jazıwshı dóre­tiwshiligin bahaladı hám óz pikirlerin bildirdi.

Keshe dawamında Jumaniyaz Óte­niyazov shayır­shı­lıqtı qalay baslaǵanı, qızıqlı balalıq waqıtları haqqında aytıp berdi. Ádebiy keshe mektep oqıwshılarınıń kitap oqıw, dóretiwshilik etiwge bolǵan qızıǵıw­shılıqların oyata aldı.

Sárbinaz TURESHOVA

QMUnıń 2-kurs magistrantı

Q.Begimovtıń túsirgen súwreti