Ayjamaldıń úyinde bir-birinen sulıw gúller bar. Ol gúllerin júda jaqsı kóredi.Olarǵa hár kúni suw quyıp, álpeshlep qaraydı. Anası da onıń gúllerine mehir menen qarap, oǵan hár bazarǵa barǵanda hár túrli gúllerden ákelip beredi. Ol úyinde bir qız bolǵanı ushın onı júda erkeletip jibergen. Sonlıqtan ba, bazı bir waqıtları anasınıń gáplerine qulaq salmaydı. Bir kúni onıń gúlleri solıp basladı. Sebebi, Ayjamal jazǵı dem alısqa shıq­qannan baslap, esi dárti oyın, gúllerine itibar bermey qoydı. Túslikke de anası onı zorǵa úyine kirgizip, awqat­landı­ratuǵın edi. Oǵan ıssıda kóshede kóp júre berme kún ótip ketedi dep qan­sha aytsada tıńla­madı. Anası onnan júda qapa boldı. Bir kúni aynanıń aldındaǵı gúllerine kózi túsip ketti. Qarasa, olar solıp baslaǵan, olardı kórip kózlerinde jas payda boldı. Onıń qapa bolǵanın kórip anası qasına kelip, kórdińbe qızım gúlleriń sennen qapa bolǵan,-dedi.

Sol waqıtta ol óziniń qátesin túsindi. Usı waqıyadan keyin hár kúni uyqıdan turıp, gúllerine suw quyıp anasınıń hámme aytqanın qılatugın boldı. Onıń gúllerine jáne jan enip aldıńǵı halına qayta basladı.

Gúlmira KeŃesbaeva

Kegeyli rayonındaǵı 22-sanlı ulıwma bilim beriw mektebiniń 4-klass oqıwshısı