Jaqında paytaxtımızdaǵı 2-sanlı balalar hám jas óspirimler sport mektebinde 2002-2003-jıllar ara­lıǵında tuwılǵan mektep oqıwshıları arasında «Jazdı gúres penen ótkeremiz!» súreni tiykarında jarıs ót­kerildi. Jarısqa Taxtakópir, Qaraózek, Shımbay, Ke­geyli, Nókis, Xojeli, Taqıyatas, Qanlıkól rayonları hám paytaxtımızdan jámi 150ge jaqın jas sportshılar qatnasıp, óz-ara bellesti. Bul jarıstı shólkem­les­tiriwdegi maqset, oqıwshı-jaslar arasında doslıqtı hám sportqa degen qızıǵıwshılıǵın oyatıw hám olar arasınan eń shaqqan hám belsendi oqıwshılardı saylap alıwdan ibarat.

Jarıs juwmaǵında er balalardan qarsılaslarınan ústin kelgen Xojeli rayonınan Á.Oraqbaev, A.Kara­matdinov, O.Djangabaev, S.Otaxanov, Taqıyatas qa­lasınan O. Muratbaev, Nókis qalasınan J.Xakimov hám R.Abdugapbarovlar 1-orındı alıwǵa eristi. Al, qızlar arasında Shımbay rayonınan A.Eshbaeva, Xojeli rayonınan R.Atanazarova, Z.Isakova, U.Jumaniya­zova hám paytaxtımızdan D.Djalǵasbaevalar jeńimpaz boldı. Barlıq jeńimpazlar shólkemlestiriwshiler tárepinen Diplom, bahalı sawǵalar hám medallar menen xoshametlendi.

Maqset Habibullaevtıń alǵan súwreti