Burınǵı ótken zamanda úl­ken hám qalıń toǵayda kish­kene bir úyde qoyan jasaptı. Ol oǵada maqtanshaq eken. Hár kúni ol toǵayda qıp-qızıl pisip turǵan almalardan bir sebet alma terip, ózin barlıq hay­wanlarǵa kóz-kóz etip maq­tanadı eken.

-Dúnyadaǵı eń sulıw hám azada qoyan men ózim. Isenbeseńler qarańlar, meniń monshaqtay kózim, appaq ma­mıqtay jıltıraǵan júnim, tikireygen sulıw qulaqlarım bar, mendegi sulıwlıq hám shaq­qanlıq hesh kimde joq,-der eken. Shının­da da, hámme hay­wanlar oǵan háwes penen qaraytuǵın edi. Qoyan usılay maq­tanıwdan toqtamaptı. Sonda barlıq hay­wanlar onıń úyine miymanǵa barıwǵa kelisip alıptı.

-Qoyan bunshama maqtan­shaq. Qánekey, onıń úyine barıp kóreyik. Ol tap ózi ayt­qanday shaqqan ba eken? Qoyan dostımızdıń miyman­doslıǵın kóreyik,-depti túlki.

Qoyannıń barlıq dosları sawǵalar alıp, onıń úyine qaray jol alıptı. Haywanlar qoyannıń úyine barıp hayran qalıptı. Qoyannıń úyi júdá patas, buyımları hár jaqqa shashılǵan, al, ózi bolsa aynaǵa qarap ózine sán berip otır eken. Bul jaǵ­daydı kórgen hay­wanlar onnan renjip, kewli qalıptı.

-Bizler, seniń ayt­qan gápińe qarap azada, miy­man­dos qoyan shıǵar de­sek, sen ulıw­ma kerisinshe eken­seń,-dep dos­ları úyin tárk etipti.

Qoyan bolsa uyalıp qalıptı. Sol-sol eken, dosları onıń úyine qaytıp barmaytuǵın bolıptı. Hámme dosları onı maqtan­shaq qoyan dep mısqıllaptı. Qoyan bolsa bul isinen qattı pushayman bolıp, doslarınan keshirim soraptı hám úyin aza­da us­lawǵa háreket etipti.

G.Alquatova

Kegeyli rayonındaǵı 4-sanlı ulıwma bilim beriw mektebiniń 9-klass oqıw­shısı