Mekt­e­bimizde jaz ayı bo­lıwına qa­ramastan sport hám pán dó­gerekleri islep tur. Mektebimizdegi sárdarlar tárepinen hár qıylı jarıslar, ilajlar ótkerilip, awılımızdıń oqıwshılarınıń waqıtlarınıń maz­munlı ótiwine tiykar jaratpaqta. Eń quwanıshlısı, hápteniń altı kúninde kitapxanamız kitap­qumar oqıwshılar ushın ashıq. Men de bul im­kaniyattan paydalanıp, kitap­xanadan ózim súygen kitaplardı alıp oqıp atırman. Máselen, házir men fransuz jazıwshısı Gustav Emardıń «Sohibshangal» romanın oqıp atırman.

Bunnan tısqarı, mektebimizde  kitapxanashımız M.Esbaǵanbetova hám jetekshimiz B.Niyetbaevalar «Zakovat» intellektual oyının shól­kemlestirdi. Bunda oqıwshılar eki hápte ishinde tapsırılǵan kitaplardı oqıp bolıwı kerek hám sol kitaplar boyınsha berilgen sorawlarǵa juwaplar beriwi shárt. Oqıwshılar bul jarısqa belsendilik penen qatnasıp, kitaplar menen qanshelli dos eken­ligin, ádebiyatqa bolǵan qızı­ǵıw­shılıǵı joqarı ekenligin kórsete aldı. Álbette, ót­kerilgen bul oyın oqıw­shılardı ele de kitapqumarlıqqa, ziyreklikke baǵdarlay aldı. Sonday-aq, mektebimizde «Jazdı «Kamalak» penen!» uranı astında hár qıylı sport jarısları da ótkerilmekte. Jaqında muǵallimler hám oqıwshılar arasın­da sporttıń volleybol túrinen jarıs bolıp ótti.

Qullası, dem alısımızdaǵı hár bir kúnimiz usınday mazmunlı, qızıqlı ótiwine óz úleslerin qosıp atırǵan jetekshilerimizge, ustazlarımızǵa minnetdarshılıǵımdı bildiremen.

Gúldana Erejepova

Nókis rayonındaǵı 20-sanlı ulıwma bilim beriw mektebiniń oqıwshısı