Bir kúni  asxanada awqat asıwǵa tayarlıq kórip atır edim. Al, apam bolsa kir juwıp atır. Men pomidor, pıyaz, kartoshkalardı tuwrap qazanǵa saldım. Sál waqıttan keyin apam «Jaqsılap quwırılsın, pıyazdıń tomatı shıqsın» dedi. Álbette, ol pomidor tomatqa aylansın demekshi edi. Bilmedim, qıyalı basqa jaqta ma, usılay aljasıp aytıp saldı. Asxanada suw iship turǵan úkem bunı esitiw­­den: -Haw, apa, pıyaz­dıń da toma­tı shıǵa ma?!-dep soradı. Apam sonda ǵana óziniń aljasıp ketkenin bilip, úkeme jatıǵı menen túsindire basladı. Ázizbek túsingennen keyin, oyınǵa shıǵıp ketti. Apam qasıma kelip:  «Men ırastan da  pıyaz dedim be?» dedi hayran qalıp. Keyin apam ekewimizde birden kúlip jiberdik.

Aysholpan Jumabaeva

Shomanay rayonındaǵı 24-sanlı ulıwma bilim beriw mektebiniń oqıwshısı