4-iyun kúni Tashkent qalasında Ózbekstan Ekologiyalıq Háreketi, Ózbekstan Respublikası Oliy Majlisi Nızamshılıq Palatasınıń Málimleme xızmeti, Ózbekstan Respublikası Oliy Majlisi janındaǵı mámleketlik emes kommerciyalıq emes shólkemler hám puqaralıq jámiyetiniń basqa institutların qollap-quwatlaw jámiyetlik fondı, Ózbekstan Milliy Xabar Agentligi hám bir qatar ministrlikler menen birgelikte hár jılı turaqlı túrde ótkeriletuǵın Respublikalıq Ekojurnalistika tańlawınıń 2018-jıldaǵı jeńimpazların sıylıqlaw keshesi bolıp ótti.

Mámleketimizde jumıs alıp barıp atırǵan ǵalaba xabar quralları xızmetkerleri, student-jaslar hám mektep oqıwshıları arasında túrli nominaciyalarda ótkerilgen tań­lawdıń bas maqseti-xalıq arasında ekologiyalıq mádeniyattı jeti­listiriw hám qorshaǵan ortalıq mashqalaları haqqındaǵı bilim­lerin arttırıw jolında ekologiyalıq máselelerde qálem terbetip atırǵan dóretiwshilerdiń belsendiligin ele de arttırıw hám olardı qollap-quwatlawdan ibarat.

Eń quwanıshlısı, bıyılǵı tań­lawǵa sizlerdiń súyikli gazetańız «Jetkinshek»te qatnasıp, jıl da­wamında gazetamızdıń «Ekoháreket» klubında berilip barılǵan dóretpeleri ushın «Baspa ǴXQ» nominaciyası boyınsha jeńimpaz dep tabıldı. Qala berse, kásipleslerimiz «Qaraqal­paqstan» telekanalı jurnalistleri Ánjim Bekbergenova hám Lázzet Esemuratova, belsendi xabar­shılarımızdan biri, Kegeyli rayonındaǵı 11-sanlı ulıwma bilim beriw mektebiniń 6-klass oqıwshısı Sahibjamal Káramatdinovalar da hár qıylı nominaciyalar boyınsha jeńimpaz boldı. Usı múnásibet penen «Jetkinshek» gazetasınıń dóretiwshilik jámááti hám kóp sanlı oqıwshıları atınan  kásip­leslerimizdi hám belsendi oqıw­shımızdı tabısı menen shın kewilden qutlıqlaymız!

REDAKCIYADAN