Bala tárbiyasında oyın­shıqlardıń ornı ayrıqsha. Hár bir oyınshıqtıń ózine tán qásiyetleri bar. Máselen, qız balalar kishkeneliginen quwırshaq, úy buyımları (qazan-tabaq, kese-shaynek h.t.b) menen oynaydı. Bular qız balalarǵa jaslayınan-aq úy hám asxana buyımların qalay uslap tutıwdı belgili dárejede úyretedi. Al, er balalar kóbinese texnikalıq buyım­lardı qunt penen oynap, olarǵa ózgeshe ıqlas qoyadı. Eger, men isbilermen bol­sam, Prezidentimizdiń is­biler­menlerge jaratıp berip atırǵan imkaniyatlarınan  pay­dalanıp, kishkene balalarǵa hár túrli zıyansız, tábiyǵıy zatlardan oyınshıqlar islep shıǵar­maq­shıman. Ásirese, ózimizdiń milliy kórinistegi balalar oyınshıqların kóbeytiwdi qáleymen. Islep shıǵarǵan oyınshıqlarımdı, kem tá­miyinlengen shańaraqlardıń balalarına bermekshimen. Usınday etip, hár bir balaǵa quwanısh baǵıshlaǵım keledi. Sebebi, balalar keleshe­gimizdiń tiykarı. Eger, bala ózi unatqan oyınshıǵın alsa, onıń júzinde ózgeshe quwanısh payda boladı. Bul quwanısh hámmemizdiń kew­limizge shadlıq inam etedi.

Gúlim Aytmuratova

Nókis qalasındaǵı 11-sanlı ulıwma bilim beriw mekte­biniń oqıw­shısı