Biziń mektebimizde  oqıy­tuǵın Dáw­letyar Sháribaevtıń jetiskenliklerin kórip súysineseń. Mektep in­ternatımızdıń 9-kla­sında oqıp hám dóretiw­shilik penen shúgıllanatuǵın bul teńlesimizdey sportshılar menen maqtanısh etsek arzıydı. Qaraqalpaqstan Respublikası Dene tárbiya  hám sport  minis­trligi, Qaraqalpaqstan Respub­likası huquq qorǵaw uyımlarınıń qol gúresi boyınsha federaciyası tá­repinen jaqında Nókis qala­sında ótkerilgen qol urısı boyın­sha Qaraqalpaqstan Respublikası birinshiligi ja­rısında ol sıylı 1-orındı iyeledi. Jizzaq  wála­yatında bolıp óte­tuǵın  qol gúresi boyınsha Óz­bekstan Res­publikası chem­pionatına qat­nasıwǵa jollama aldı. Dáwletyar  sabaqtan bos waqıtları, mek­tebimizde shól­kemles­tirilgen basketbol, vol­leybol, stol tennis, sıyaqlı sport dóge­rek­lerine son­day-aq ádebiy kesheler, ushı­rasıwlarǵa da belsene qatnasadı. Ol ádebiyatqa da qızıǵadı, onıń qosıqlardı kórkemlep oqıwı hám pikirlew qábileti teń­leslerinen óz­gesheligi menen ajıralıp turadı. Bizler mektep-internatı jámááti hám oqıw­shıları Dáwletyarǵa aldaǵı jarıslarda da áwmet yar bolıwın tileymiz.

Qumargúl Dáwletyarova

I.Yusupov atındaǵı mámle­ketlik qánigelestirilgen mektep internatınıń 9-klass oqıwshısı