Jaqında Birlesken Arab Ámirlikleriniń Dubay qalasında qılıshpazlıq boyınsha jas óspirimler arasında Aziya chempionatı bolıp ótken edi. Chempionattıń qılısh (sablya) jónelisi boyınsha komandalıq bellesiwlerde qatnasqan ózbekstanlı sportshılar Aziya chempionattıń gúmis hám bronza medalların qolǵa kirgizdi.

Bul sportshılar arasında jerlesimiz Zaynab Dayıbekova, Sherzat Mamutov hám Pazılbek Genjebaevtıń da bar ekenligi bárshemizdi quwanttı. Jeńimpazlarǵa  Húrmetli Prezidentimiz tárepinen avtomobiller tapsırıldı. Sonday-aq úsh jeńimpazdı jáhán arenasına alıp shıqqan treneri Dáwirbek Jiyemuratov ta Prezident sawǵasına ılayıq dep tabılıp, oǵan da avtomobil tapsırıldı. Biz jaqında Dáwirbek Jiyemuratov penen sáwbetlestik.

-Bul tabıslarımızdıń negizinde Húrmetli Prezidentimiz Shavkat Mirziyoevtıń  balalarımızǵa degen mehiri, sportqa degen itibarı nátiyjesinde dep oylayman. Qılıshpazlıq sport túri elimizde payda bolǵanına onsha kóp waqıt bolmaǵanına qaramastan, jas sportshılarımız jáhán arenalarında hesh kimnen kem emesligin kórsete aldı.

2017-jıl 15-16-dekabr kúnleri Pre­zidentimiz Qara­qalpaqstanda bol­ǵan saparı dawa­mında shákirtim Zaynab Dayı­be­ko­vaǵa avtomobil saw­ǵa etken edi. Ol qısqa múddet ishin­de Dubayda bolıp ótken Aziya chem­pionatında da bronza medalın qolǵa kirgizip, jáne Prezident sawǵası avtomildi aldı. Bul bizler ushın úlken jetiskenlik. Al, shákirtlerim  Awıl hám suw xojalıǵı kolledji oqıwshısı Sherzat Mamutov hám 2-sanlı qáni­ge­lestirilgen  mámleketlik ulıwma bilim beriw mektebiniń 9-klass oqıwshısı Pazılbek Gen­jebaevlar da sport sheberligin hám shaq­qanlıǵın kórsetip, gúmis medalların qolǵa kirgizdi. Men shákirtlerimniń tabıs­larınan júdá quwanıshlıman hám bizlerdi qollap turǵan Húrmetli Prezidentimizge  aytar alǵısım sheksiz,-deydi Dáwirbek tolqınlanıp.

Dáwirbek Jiyemuratov Shımbay rayonınıń  Keńes awılındaǵı 4-sanlı ulıwma bilim beriw mektebinde bilim aldı. Sońınan Qa­ra­qalpaq mám­leketlik univer­si­tetiniń dene máde­niyatı fa­kul­tetin ta­mam­lap, Tashkent qa­lasında qılısh­pazlıq sport túri boyınsha tájiriybe arttırıp qayttı. Ol eń dás­lep 2014-jılı NMPI janındaǵı akademiyalıq liceyde 20 oqıwshı menen qılıshpazlıq dógeregin ashtı. Sońınan pay­taxtımızdaǵı 39-sanlı ulıwma bilim beriw mektebinde de qılıshpazlıq sport túri  boyınsha shákirtler tayarladı. Búgingi kúni onıń júzge jaqın shákirtleri bar. «Qıy­mıldaǵan qır asar» degenindey, qısqa múddet ishin­de Dáwirbektiń shá­kirtleri treneriniń miynetin aqlap, el asıp tabıslarǵa eris­ti. Ustazın da al­ǵısqa bóledi.

Biz jeńimpaz qız Zaynab Dayı­be­kova menen sáw­betlesip, chempionat haqqındaǵı tásirlerin or­taqlastıq.

-Dubay qala­sın­da bolıp ótken Aziya chempio­na­tında bellesiwler júdá qızıqlı ótti. Biz basqa ellerden kelgen sportshılardan kóp nárselerdi úy­ren­dik, doslar arttırdıq. Ásirese, Qubla Ko­reya mámle­ketinen kelgen sportshılar júdá kúshli eken.Biraq, bizler de jeńim­paz bolıwǵa qattı bel bayladıq hám jeńimpazlar qatarınan orın aldıq. Bizlerdiń  kishkene miynetimizdi bahalap, bizlerge avtomobil sawǵa etken Húrmetli Prezidentimizge raxmet! Biz keleshekte álbette, Jurtbas­shımızdıń isenimin aqlap, elimiz bayraǵın ele de bálentlerge kóteremiz,-deydi Zaynab.

Bizler de jeńimpazlardı tabısı menen shın kewlimizden qutlıqlaymız hám olarǵa tabıslar joldas bolsın deymiz.

E.Xojamuratova

arnawlı xabarshımız