Bolsam eger, isbilermen,

Jeńimdi bekkem túremen,

Sport súyer jaslarǵa,

Men de járdem beremen.

 

Mámleketimizde sporttı rawajlandırıwǵa ayrıqsha itibar qaratılǵan. Kóplegen sport mektepleri salındı, hátteki, alıs awıllardaǵı mekteplerdiń sport zalları da pútkilley jańalanıp,  hár qıylı sport dógerekleri shólkemlestirilmekte.  Meniń ózim de sportqa júdá qızı­ǵaman. Bos waqtımda sport­tıń gúres túri menen shuǵıl­lanaman. Ásirese, fut­boldı júdá unataman. Kó­binese futbol oy­nayman.

Jaqında ǵana jigirma úsh jaslı futbol­shı­larımız arasında bolıp ótken Aziya chem­pionatın úlken qızı­ǵıw­shılıq penen tama­shaladım. Biziń futbol­shılarımız Aziya chem­pionı bol­ǵanın kórip, qattı quwandım. Bul quwa­nısh bárshe futbol háwes­kerlerine kóterińkilik ba­ǵıshladı. Men bul jeńisten tásirlendim hám oylana basladım. Biziń rayonımızda sport inven­tarları satılatuǵın dúkan joq.  Isbilermen bolsam sport inventarları islep shı­ǵaratuǵın kárxana ashsam deymen. Dúkanımda bolsa, barlıq túrdegi sport kiyimleri hám inventarları bolıwın qáler edim. Sonday-aq, futbol maydanshasın ashıp, oǵan zamanagóy gazonlar tósep, balalardıń futbol oynawı ushın imkaniyat jarataman hám  olardıń futbolǵa bolǵan ıqlasın arttırǵan bolar edim.

Elimizdi dúnyaǵa tez tanıtatuǵın taraw sport ekenligin alǵır sportshılarımız dáliyllep atır. Biziń Kegeyli rayonımızdan da usınday chempionlar jetilisip shıǵıwın qáleymen. Sportshılarǵa qolay­lılıqlar qansha kóp bolsa, olardıń imkaniyatı da sonsha artadı.

Aybek Kenjebaev

Kegeyli rayonındaǵı 41-sanlı ulıwma bilim beriw mektebiniń 10-klass oqıwshısı