Meniń házirgi dáwir isbilermenlerine júdá há­wesim keledi. Sebebi, olar ushın elimizde úlken im­kaniyatlar jaratılǵan. Men  bul tarawǵa júdá qızıǵaman. Keleshekte álbette, is­bilermenlik penen shuǵıl­lanıwdı aldıma maqset etip qoyǵanman. Bunıń ushın birinshi gezekte tereń bilim, talapshańlıq, óz isińe degen mehir kerek. Men ele kishkene bolsam da, házirden baslap, qanday isbilermenlik jumıslardı jolǵa qoyıwdı oylap qoydım. Yaǵnıy eger, men isbilermen bolsam, óz biznes isimdi birinshi qa­rawsız qalǵan, adam jasa­maytuǵın úydi arzan bahada satıp alıwdan baslayman. Soń ol jayǵa iri ońlaw jumısların alıp barıp, kafe ushın orın tayarlayman. Tuwrı, res­publikamızda kafe kóp-ǵoy dep oylawıńız múmkin. Lekin, meniń ashatuǵın kafem basqasha yaǵnıy, haqıyqıy milliy qaraqalpaq kafesi boladı.  Onıń atın álbette anamnıń atına qoya­man. Kafeniń ishi milliy bezewler menen bezetilip, xız­met­kerler, aspazlar, is júritiw­shiler qaraqalpaq milliy kiyimlerinde júredi. Kafe­mizde tek ǵana milliy taǵam­larımız pisiriledi. Spirtli ishimlik ishiw qadaǵan etiledi. Hápteniń hár besinshi kúninde elimizge belgili baqsı, qosıqshı hám ayaq oyınshılar milliy koncert baǵdarlaması menen adam­larǵa xızmet kórsetedi.

Bul kafeni ashıwdaǵı maqsetim- umıtılıp baratırǵan milliy qádiriyatlarımızdı hám taǵamlarımızdı qayta tiklew hám bul arqalı insanlardıń kewlinen shıǵıw. Bul biznes rejemdi iske asırıwda álbette, Prezidentimizdiń isbiler­menlerge jaratıp berip atırǵan imkaniyatlarınan payda­lanaman. Al, kafe janındaǵı atızlıq jerdi awqat hám taǵamlardı tayar­lawda kerekli palız ónimlerin jetistiretuǵın teplicaǵa aylandıraman. Bul isbilermenlik túri eń kerekli hám paydalı bolıwına isenemen. Álbette, bul niyetlerimdi iske asırıwda ata-anam mudamı janımda qollap-quwatlap turadı hám ana Watanımnıń, shańa­raǵımızdıń gúllep-jay­nawında kúsh-ǵayratımdı ayamayman. Bunıń ushın jaqsı oqıwǵa, kásip-óner iyelewge bar ıqlasım menen háreket etemen.

Allambergen Tilepbaev

Nókis qalasındaǵı 11-sanlı ulıwma bilim beriw mek­tebiniń 8-klass oqıwshısı