«Jetkinshek» gazetası 85 jıldan berli balalar menen dos tutınıp, olarǵa jańalıqlardı jetkerip, kishkene balalardıń ruwxıy dúnyasın bayıtıwǵa óziniń salmaqlı úlesin qosıp kelmekte. Usı jıllar ishinde redakciyada qanshadan-qansha insanlar miynet etip, balalar kewline qonımlı maqalalar tayarlap, kópshilikke tanımalı bolǵan.

Ótken ásirdiń 80-jıllarında redakciyada Qaljanbay Qutlımuratov, Erejep Esemuratov, Doshımbay Dospanovlar tabıslı miynet etken. Doshımbay aǵa Dospanov Qaraqalpaqstanǵa miyneti sińgen mádeniyat xızmetkeri ataǵınıń iyesi bolıp, ol xatlar bóliminiń baslıǵı lawazımında jumıs islegen. Erejep aǵa Esemuratov  juwaplı xatker, al Qaljanbay aǵa Qutlımuratov korrektor bolıp, kóp jıllar jemisli miynet etip, gazetanıń sapalı shıǵıwına óz úleslerin qosqan.

Súwret «Jetkinshek»tiń arxivinen alındı: (shepten ońǵa qaray) Erejep Esemuratov, Qaljanbay Qutlımuratov, Doshımbay Dospanovlar.