Házirgi kúnge kelip sanaat kárxanalarınıń kóbeyip bara­tırǵanlıǵı sebepli adamzat tariyxında misli kórilmegen texnika hám texnologiyalar islep shıǵılıp, paydalanıwǵa tapsırılmaqta. Bul insan ómiri hám jumıs alıp barıwına birtalay qolaylıqlar jaratıp beriw menen bir qatarda, atmosferanıń záhárleniwi, suwdıń pataslanıwı, tábiyǵıy baylıqlardıń kemeyip ketiwine tásirin kórsetip atır. Statistikalıq maǵlıwmatlarǵa qaraǵanda, dúnyada keyingi 100 jıl ishinde atmosferaǵa shıǵarılatuǵın záhárli gazler quramı 31 procentke kóbey­gen. Bul kórsetkish 2050-jılǵa barıp 2 eseni, 2100-jılǵa barıp 4 eseni kórsetiwi múmkin. Bir ǵana biz kúndelikli pay­da­lanatuǵın «bakalashka»nıń ózi búgingi kúni úlken ekologiyalıq mashqalaǵa sebep bolıp tur. Yaǵnıy, hár qıylı ishimlikler qadaqlanıp shıǵarılatuǵın bul ıdıslar bir neshe uglevodlardıń polimerleniwinen islengenligi sebepli  olardıń tábiyattan ómirlikke shirip joq bolıp ketiwi ushın million jıl kerek boladı eken. Soǵan qaramastan, bizler bunday ıdıslardı qálegen jerge taslap ketemiz. Bul mashqala bazarlarda sawda islegen waqıtta paydalanatuǵın paketlerge de tiyisli.

Bul mashqalalardı sheshiw ushın xalıqtıń ekologiyalıq bilimin arttırıw talap etiledi. Ásirese, balalarǵa hám jas óspirimlerge tábiyat baylıq­larınıńda shegi bar ekenin, kún kelip olardıń da tawsılıwın, bunıń aldın alıw ushın, tábiyǵıy baylıqlardan aqılǵa say payda­lanıwımız, toǵaylardı kespe­wimiz, haywanat hám ósimlik dúnyasın kóz-qarashıǵımızday asırawımız, atmosferanıń ta­zalıǵın támiyinlewge háreket etiwimiz kerekligin usı bastan úyretip barıwımız dárkar. Sonda ǵana ana planetamızdı kele­shek áwladqa tirishilik ushın jaramlı halında jetkere alamız.

Gúlnaz BALTABAEVA

QMUdıń jurnalistika qáni­geligi studenti