26-27-mart kúnleri paytaxtımızdaǵı 18-25-sanlı ulıwma bilim beriw mekteplerinde hár jılı turaqlı túrde 5-6-7-8-klass oqıwshıları arasında ótkeriletuǵın «Bilimliler bellesiwi»niń 2016-2017 oqıw jılındaǵı qalalıq basqıshı bolıp ótti.

Bellesiwlerge paytaxtımızdaǵı 48 mámleketlik qánigelestirilgen hám ulıwma bilim beriw mekteplerinen 1800 den aslam oqıwshılar qatnasıp, olar 16 pán boyınsha óz bilimlerin sınaqtan ótkerdi. Bilimler báygisi eki kún dawam etip, oqıwshılar 2 tur boyınsha arnawlı komissiya aǵzaları tárepinen bahalandı. Qalalıq basqısh juwmaǵında ulıwma bilim beriw mekteplerinen 45 oqıwshı, mámle­ketlik qánigelestirilgen bilim dárgay­larınan 12 oqıwshı óz pánleri boyınsha birinshi orınlardı iyelep, kelesi respublikalıq basqıshqa jollama aldı.

Gúlnaz BALTABAEVA

QMUniń jurnalistika qánigeliginiń 1-kurs studenti